Wohi Zindagi Ke Wabaal Hain
Kahon Kis Trah Naya Saal Hai,
Wohi Bay_Yaqeeni Hai Khoo_Ba_Khoo
Wohi Na Umeedi Hai Chaar Soo,
Jo Bhi Hai Srapaa Sawaal Hai
Kahon Kis Trah Naya Saal Hai,
Wohi Dast_o_Paa Wohi Chashm_o_Lab
Jo Gahin Mein Thay Woh Gahin Mein Hain,
Wohi Hosson Jiss Pay Zawaal Hai
Kahon Kis Trah Naya Saal Hai,
Wohi Intashaar si Zindagi
Hai Wohi Ghubaar si Zindagi,
Wohi Saans Laina Mahaal Hai
Kahon Kis Trah Naya Saal Hai,
Wohi Phool Phool Pe titliyaan
Hain Darri Howi K Marri Howi,
Wohi Bay_Hissi Keh Misaal Hai
Kahon Kis Trah Naya Saal Hai,
Wohi Khawab Hain Keh Azaab Hain
Wohi Roz_o_Shab Keh Saraab Hain,
Wohi Gardish Ay Mahh_o_Saal Hai
Kahon Kis Trah Naya Saal Hai..
