Sulaa Raha Tha Na Bedaar Kar Saka Tha Mujhe
Woh Jaise Khawab Mein Mehsus Kar Raha Tha Mujhe,
Yehi Tha Chand Aur Is ko Gawah Thehraa Kar
Zara Saa Yaad To Kar Tune Kiya Kaha Tha Mujhe,
Tamaam Raat Meri Khawab Gah Roshan Thi
Kisi Ne Khawab Mein Ek Phool De Diya Tha Mujhe,
Woh Bhi Din Aaye Kay Khushbu Se Meri Aankh Khuli
Aur Ek Rang Haqeeqat Mein CHuu Raha Tha Mujhe,
Main Apni Khaak Pe Kaise Na Laot Kar Aati
Boht Qareeb Se Koi Pukaarta Tha Mujhe,
Daroon-e-Khayma Hi Mera Qiyaam Rehna Tha
To Meer-e-Faoj Ne Lashkar Mein Kiyon Liya Tha Mujhe.
