ہر آسماں پہ لگے اگلے آسماں تک ہے
نہ جانے ضبط کا یہ امتحاں کہاں تک ہے
جہاں جہاں پہ تجھے درد دھوپ چُھو پائے
مری دعاؤں کا سایہ وہاں وہاں تک ہے
تجھے ملا ہے وہ اخلاص دیکھ کر جس کو
فقط مکاں نہیں حیران لا مکاں تک ہے
نہ دیکھو صرف چمکتے ہوئے دلوں کو ہی
محبتوں کا اجالا تو کہکشاں تک ہے
ترے خیال ہی سے پھوٹتی ہے ہر لمحہ
وہ روشنی جو مرے خواب آستاں تک ہے
نہ رُک سکا ترا احساس جسم تک میرے
یہ سلسلہ تو مری رُوح میری جاں تک ہے
ہر ایک سانس میں اُنکے ہے وَرۡد کی خوشبو
جو سوچتے تھے کہ بس وَرۡد گلستاں تک ہے
وَرۡد بزمی
Har aasmaaN pe lge agle aasmaaN tak hai
Na jaane zabt ka ye itihaaN kahaaN tak hai
JahaaN jahaaN pe tujhe dard dhoop chhoo paaye
Meri duaaoN ka saayaa wohaaN wohaaN tak hai
tujhe mila hai wo ikhlaas daikh kar jis ko
faqat makaaN nahiN hairaan laa makaaN tak hai
Na daikho sirf chamakte huway diloN ko hi
MahabbatoN ka ujaala tau kahkashaaN tak hai
Tere Khyaal hi se phooT'ti hai har lamha
Woh roshni jo mere khwaab aastaaN tak hai
Na ruk saka tera ehsaas jism tak maire
ye silsila tau meri rooh mairi jaaN tak hai
har aik saaNs maiN un kay hai WARD ki khushbu
Jo sochte thay keh bus WARD gulsitaaN tak hai
